Mi caso, es un caso perdido

Manan Diosqa chaskiwanmanchu.

Uk pachan karqan uq warmi, tiyashasqa huq wasipi sapa killa qolqeta qospa wasiyoqman. wasiq dueñunman.

Hinallataq kay dueñoqa manan chay warmita wasimpi tiyananta munasqa chay raykun qarkunan rayku. Qalllarinapakqa unuta manan tiyasqanman chayachisqachu. chaymanta wayk'kuna wasitapas qechurparisqa, hinaspan imaymata ruaspa chay warmita ñak'arichisqa, ripunampaq nispa.

Mana chay warmi ripuyta munaqtin puñunan ukhumansi huk'uchakunata aparparisqa warmita manchachinankupaq. hinaspan chay warmi manapuni ripuyta munasqachu.

Ichapas chay runaq ruasqanta willarqan llaqta umallikunaman hinaspan tapurirqanku. Imananqtintaq mana ripunkichu nispa. Kay warmitaq nisqa. Manan kanchu mayman chayanaypaq nispa.

Allipascha llaqta umallikuna kay wasiyoq runaman risqaku hinaspan hukuchakuna rayku, hinallataq chay warmita ruasqan rayku qolqetas aypachikusqaku, hinallataq chay qolqewan warmipaq wasita tarisqaku ahinata yanaparqanku.

Ichapas kay pachapi ahinan kanku runakunaqa, millay ñawiwan qawarinku ukninkunaman hinaspan qarkuyta munanku.

Ichapas noqanchispas ahinallatan tiyashanchis kay warmi hina, manan maymampas riyta atispa.

Jesúsmi niwanchis kay p'unchaypi:

Juan 6:37. Yayaq Lliwqowasqanqa noqamanmi hamunqa, pipas noqaman hamuqtaqa, manapunin qarqosaqchu.

Manan Jesuscristoqa pitapas qarqunqachu. imayna millay runa kaqtiykipas sichus Jesucristoman achhuykunki chayqa. Payqa allintan chaskisunki.

Uyarini uk pacha ahinata niqta: "manan noqaqa iglesiaman rinichu. Huchayqa ancha millaypunin, manan Diosqa chaskiwanmanchu nispa"

Hinallataq kay t'aqaypiqa kawarinchis Jesúsqa manan pitapas qarqunqachus. Ima hathumpas huchayki kanman Achuykullay Jesús yayanchisman.

Romanos 5:20: Ichaqa hucha astawan rikhuriqtinmi, Aswan hatunraq Diospa khuyakuyninqa karqan.

Chhaynaqa nisunchis, manan nishu hatun huchaqa kanchu. Diospa khuyakuyninqa aswan hatunmi ima hucha patamantaraqmi; achhuykullay Jesucristo yayanchisman, ama mancharikuspa achhuykullay; payqa manan pitapas qarqunqachu.