Mosoq Ayllupi churinchasqa

Diospa qelqanta kicharikuychis Efesios Qelqapi , Huk hatun t’aqaynimpi kinsamanta, pisqa huch’uy t’aqaynin kama; sumaq ancha qhapaqmi kay yachachikunaqa. Kay t’aqayqa ashkhatan yachachiwanchis ima sumaqmi mosoq kausayninchis Cristopi.

Watupakuychis wakchata mana imayoq sapachallan qhestillaña, manawasiyoq, mana q’aya p’unchayniyoq, mana aylluyoq ima, ñak’arispa kausaspa ama yarqaymanta wañunampaq, llakiymanta, ch'ikiqmanta hichapas sapa tutakuna ch'ikuyamuqtin khuyayta waqaspa, chirimanta, mana wasiyoq kaspaqa.

Ahinan kanchis mana Cristoyoq, mana imayoqmi kanchis, Diosmanta kharupi tiaspaqa.

Imaynatan kayta Pablo qallarimushan. Pablo nin kinsa huch’uy t’aqaypi “Yupaychasqa kachun”.

Señorninchis Jesucristoq Yayan Dios "Yupaychasqa kachun" v3

Manan Diosninchisqa hawapichu saqewanchis khuyayta kausaspa mana imayoq, aswanpas payqa sinchitapuni mashkawanchis muchuyninchispi munakuwanchis rayku qespichikuanchis Cristopi churinchawanchis wawan kananchispaq; payqa qhapaq runa hina llump’a sonqoyoq wakchata hawapi tariq khuyakuynimpi wasinman apan churinchaspa, wañuqtinqa ichapas llipinta payman saqenqa. qolqenkunata, wasinkunta, ichapas wakankunata, ovejankunata, imakunapas chay qhapaq runaq chaninkunata, kay wakchaman saqenqa.

Ahinan Diosqa noqanchiswan, churinchawanchis ayllun ukhupi kananchispaq, Cristo rayku. wawan kananchispaq kay mosoq ayllupi, Diospa Ayllumpi, manañan ch’iku hawapichu kashanchis aswanpas kunanqa Diospa wasin hukhupiñan kanchis, Diospa ayllun hukumpiña kashanchis. Chay raykun. Diospa ayllumpi kasqanchis rayku, Llipin hanaq pacha saminchakuna, Llipin Diospa saminchakunaqa, llipinninmi kunanqa noqanchispaqñan kasqa.

Ñaupakqa mana imayoq karqanchis, wakcha purirqanchis mana aylluyoq, kunan kausanchis sumaq hanaq pacha saminchakunawan Diospa churin kaspalla, Chhaynaqa wayqueykuna panaykuna. Kusikuychis kay qelqapi nisqan hina. Kusikuychis Diosta Yupaychaspa.

Diosqa anchatapunin munakuawanchis, chaymi kikin wawantapunin kay pachaman kamachisqa hamunampaq. Chaymi Jesucristo huchanchista p'ampachanampaq qespichiwananchispaq, chakatasqa, kìrinchasqa wañusqa. Noqanchis rayku.

Noqanchis mana wasiyoq wakcha runakuna, wasiyoq kananchispaq, aylluyoq kananchispaq. Manañan wakchachu kanchis, kunanqa Diospa ayllumpin kanchis.

Ama chayta chinkachiychu, kay huchuy t'aqaypi nisqan hina tiyay kunanqa. Diosta Yupaychaspa.

Hinataq kachun.

Devocional extraido del Curso de Efesios
Pastor: Roar Steffensen

Traducido por: José Gonzales Rimachi
Devocional emitido el 30-05-2017
Radio JR - Dulce Amanecer

Si quieres escuchar devocionales en quechua visita nuestra radio en Linea. radiojr.caster.fm 6.00AM Dulce Amanecer. Martes y Jueves Devocionales en Quechua.