¿Ser cabeza, no es oprimir al cuerpo?

Efesios: 5:21 ss.

Mana Diospa Siminpi iñiqkunaqa nishuntan ninkun. Diospa Siminqa nishutan warmikunata huch'yyachin nispa. Warmiqa qosantan uyarispa kasunan nispa.

Hinallataq ninku Qosaqa warmiq umanmi, hinaspan chayrayku kamachinan warmitaqa nispa.

Cheqaymi, Qosaqa warmiq umanmi, hinallataq manan Diospi siminpiqa tarisunchischu. UMAQA hukaqkunanman kamachinan huch'uyyachispa nispa. Astawampas kaypiqa tarisunchis umataqa manan qhawarisunchischu ukninkunaq patapi kamachinampaq. aswampas qhawarinchis umataqa llipin kuerpo raykun payqa imatapas ruanan kausarinampaq.

21. Cristota manchakuspa KASUNAKUYCHIS. Chay kasunakuyqa manan nishanchu warmilla kasunan qharita nispachu, ichapas qhariqa warminta kasunan nispallataqchu; Manan.

Kaypiqa qhawarisunchis, ishkayninkun kasunakunanku. Qhari Qosaqa kasunan warminta, warmipas kasunan qosanta.

23 Qariqa esposaq umanmi nispa. kay hina umaqa manan kamachiq umallachu. kay uma, kaypi qhawarinchis, Cristo hinan nispan niwanchis. Imaynachus Cristo iglesiaq uman. Chay uma hinan qosapaq warminpakqa kanan.

Cristoqa, manan kamachiq umallachu, aswampas Cristoqa iglesiaq uman kaspa, Anchatapunin iglesiata munarikun hinallataq Iglesia Rayku kikin kausaynintapaq qon, IGLESIA KAUSARINAMPAQ.

Anchhayna uma, qhariqa warmimpa uman kanan. Manan kamachinallampaqchu aswampas, Qosaqa warminpa uman kaspaqa, warminta munanan kikin kausaynintapuni qospa, warmin rayku, warmin kausananmpaq.