¿Y si los muertos predicaran?

¿Y si los muertos predicaran?

 

Manan pipas infiernopi raurayta munankuchu, Diospa qhelqanqa yachachiwanchis ancha millay kasqanta, chaypiqa sinchitapunin ñak'ariy kanqa.

Hinallataq Diospa Siminqa yachachiwanchis ancha hatunsi infiernopaq ñanqa, sumaq munay rinapaq, ñawinchispaq ancha munaymi, hinallataq sichus chay ñampi risunchis chayqa, usqayllatan yuyayrisunchis ima millay kasqanta. Chay raykun manan pipas chayman puriytaqa munankuchu.

Ahinan kasqa kay qhapaq runa, Ichapas kausaspaqa ancha allintan tiyarqan, p'achayoq, allinta mikhuspa, allin wasiyoq. Hina kaspapas wañuyqa payman chayasqa hinaspan wañuypi ñakharisharqan. Ichapascha payqa yuyarin wayqenkunamanta. hinaspan, payqa manan wayqenkuna chayman chayayta munasqachu. chaymi Tayta Abrahamta mañarikusqa, Lazarota kamachiy wañuymanta wasiyman chayanampaq hinaspan wañuqta kausariqtin rikuqtinku, ichapas paykuna Diosman kutirinqaku nispa.

Ichapas ñoqanchispas chayta ninchis, sichus wañuq kausarinman hinaspan Diosmanta rimanman, ichapas paytan aswan allintan uyarinkuman nispa. Padre Abrahantaq nisqa. Moisestawan profetakunatawan uyarichunku nispa.

Moises, profetakunawanqa Diospa Siminmi, Biblia noqanchispaqqa, wañuqpas kausarimunqtinqa manan uyarinkumankuchu. Yuyariychis ñan kasqañan huk runa wañuymanta hamuska. Kikin Jesucristopunin wañuymanta kutirimun, ¿Payta uyarinkuchu?. 

Manan paytaqa uyarinkuchu, ichapas chayta yachaspa Jesucristoqa kay yachachiyta yachachirqan. Chaymi payqa kay Yachachiywan Qhapaqmanta lazaromantawan. kaywanqa Jesus yachachiwashanchis, noqnchis anchatapunin Diospa Siminta sapa p'unchay allinta qhawarinanchis. Chayllapin rikusunchis, qhawarisunchis imaynan ama infirnopaq rinapaq.

Chaymi noqanchis iñiqkunaqa chaytan yachachinanchis wakin runakunatapas. Jesucristomantan yachachinanchis. Kay Jesucristo wañuymanta kutirimunña, wañusqan noqanchis ama infirnoman rinanchispaq, paymi qespichiwanchis allin wiñay kausayman chayananchispaq.

Hinataq kachun.

 

Fecha: Jun 22, 2017 Nro de Vistas: 84